Kryeministri i Kosovës, Albin Kurti ka reaguar lidhur me hetimet për ngjarjen në Gllogjan, ku ndodhi vrasja e trefishtë. Dhjetë ditë pas ngjarjes tragjike që shokoi mbarë opinionin publik, autori i krimit nuk është arrestuar ende, duke bërë që asnjë përgjegjës të mos shkojë para drejtësisë për vrasjet makabre. Albin Kurti, tha se sasia e informacionit për këto vrasje është duke u shtuar, teksa thekson se lidhur me zbardhjen e kësaj ngjarjeje po punojnë hetuesit më të mirë.
“Sasia e informacioneve për vrasjen e trefishtë në Gllogjan është duke u shtuar, meqenëse hetuesit më të mirë tanë janë të përfshirë atje”, u shpreh Kurti.
“Ai u shpreh se hetimet ende nuk kanë nxjerrë në pah diçka konkrete, por kur kjo të ndodhi do të njoftohet.
Kur të kenë diçka konkete sa i përket të pandehurit ose të pandehurve që e kryen këtë vrasje të trefishtë mizore ne natyrisht që do të iu njoftojmë juve”, tha ai ndër të tjera.
Prokurorja e rastit, Sahide Gashi, ka deklaruar se hetimet për vrasjen në Gllogjan nuk janë të lehta.
“I kemi disa indikacione, të cilat jemi duke i gjurmuar dhe jemi duke ecur përpara që t’i vërtetojmë. Disa rrethana na tregojnë se nuk do ta kemi të lehtë, por unë jam optimiste se do ta bëjmë”, ka deklaruar Gashi.
Discussion about this post