Kryeministri i Kosovës Albin Kurti, ka zhvilluar një takim me ambasadorin e Austrisë në Kosovë, Christoph Weidernger.
Fokus i këtij takimi ishte bashkëpunimi mes dy vendeve.
Ndërsa falënderoi ambasadorin e Austrisë për ndihmën kryesisht në fushën e zhvillimit ekonomik, Kurti shprehet se gjithashtu në këtë takim u bisedua edhe për investime nga kompanitë austriake në Kosovë.
Nga ana tjetër ambasadori Weidinger ritheksoi se Austria do të mbështesë qeverinë dhe popullin e Kosovës.
