Kryeministri i Republikës së Kosovës, Albin Kurti, ka zhvilluar sot takim online me përfaqësuesit e FMN. Gjatë bisedës, kryeministri Kurti tha se edhe fal ndihmës së ndërkombëtarëve, Kosova ka nisur të marrë veten pas krizës që solli pandemia. Sipas tij, të ardhurat janë rritur dhe plani buxhetor po realizohet sipas parashikimeve.
Sakaq, ai garantoi se ekonomia e Kosovës do të ecë në rritje edhe përgjatë viti të ardhshëm. “Ndonëse pandemia ka sjellë tendosje të konsiderueshme duke qenë se po i afrohemi vitit të dytë të pandemisë, performanca e jashtëzakonshme e ekonomisë sonë me një rritje mesatare prej 10.4% në pjesën e parë të 2021, na bën optimistë se kjo do të jetë trajektorja e zhvillimit të vendit edhe për vitet në vijim. Kjo performancë ka ndikuar edhe në të ardhurat buxhetore, të cilat na kanë mundësuar zbatimin e pikave të programit qeverisës më herët se që kishim planifikuar, gjë që mund të vërehet edhe me buxhetin e vitit 2022”, tha ai.
Nga ana tjetër, përfaqësuesi i Kosovës, Di Bella përgëzoi qeverinë për suksesin në vaksinimin e popullatës, duke e bërë vendin lider në rajon, përkundër faktit që kishte një start të vonshëm në këtë proces. Ai gjithashtu foli mbi performancën e mirë ekonomike dhe buxhetore, që ishte përtej parashikimeve fillestare. Në lidhje me këtë u shpreh, që Kosova përbënte një rast unik në botë, ku diaspora kishte një ardhje kaq të lartë në atdhe, pas lirimit të masave.
Discussion about this post