Kryeministri Albin Kurti ka pritur në takim ambasadorët e vendeve të Quint-it dhe shefin e Zyrës së Bashkimit Europian në Kosovë, Tomas Szunyog. Vendet e Quint-it janë një grup vendimmarrës joformal i përbërë nga pesë fuqitë perëndimore, Shtetet e Bashkuara dhe Katërshja e Madhe.
Ambasadori i SHBA, Jeffrey Hovenier, ambasadori i Gjermanisë, Jörn Rohde, i ngarkuari me punë në ambasadën e Mbretërisë së Bashkuar, Jacob Ëebber, ambasadorja e Francës, Marie-Christine Butel, ambasadori i Italisë, Antonello De Riu shkuan në takim te Kurti një muaj pasi me një deklaratë të përbashkët e kishin kritikuar Kurtin me një deklaratë të përbashkët.
“Në takim u diskutua për zhvillimet politike në vend dhe situatën politike në rajon”, thuhet në një njoftim të lëshuar nga Zyra e Kryeministrit.
“Gjatë takimit, u fol edhe për procesin e dialogut ndërmjet Republikës së Kosovës dhe Serbisë, për çka Qeveria e Republikës së Kosovës është e angazhuar që të jetë parimor dhe i balancuar për marrëveshje me njohjen reciproke në qendër”, ka theksuar ZKM.
Në takimin me ambasadorët ishin zëvendëskryeministri Besnik Bislimi dhe shefin e stafit të kryeministrit, Luan Dalipi.
Shtetet e Bashkuara, Britania e Madhe, Italia, Gjermania dhe Franca ishin shumë të zhgënjyera me vendimin e Qeverisë së Kosovës për të mos lejuar mbajtjen e zgjedhjeve të Serbisë, të caktuara më 3 prill. Këtë qëndrim shtetet e Quintit e kishin bërë të ditur përmes një deklarate të përbashkët një muaj më parë.
Discussion about this post