Kurti uron besimtarët myslimanë: Të tregohemi zemërgjerë me jetimët dhe të vetmuarit

Kryeministri i Kosovës, Albin Kurti, e ka nisur ditën sot me urim për të gjithë ata që festojnë Kurban Bajramin. Përmes një postimi në Facebook, ai thekson se kjo festë simbolizon paqen dhe zemërgjerësinë, prandaj kërkon më shumë kujdes dhe ndihmë për jetimët
“Besimtarët myslimanë sot festojnë Kurban Bajramin, festën e sakrificës.

Me synim tjetrin e jo veten, në këtë ditë rikujtojmë mësimet hyjnore për t’u treguar bujarë e zemërgjerë, sidomos me skamnorët, jetimët, të dobëtit dhe të vetmuarit.
Uroj që kjo festë të sjellë paqe e lumturi në zemrën e secilit e solidariteti të jetë udhërrëfyes i përhershëm.
Gëzuar e me fat Kurban Bajrami”, shkruan ai.