Një bebe e porsalindur është gjetur e braktisur në ambientet e një garazhi të një pallati në zonën e Yzberishtit.
Bebja u gjet nga një banor i pallatit, i cili e ka dëgjuar foshnjën duke qarë, dhe më pas ka njoftuar policinë. Pas mbërritjes së efektivëve, është gjetur foshnja e lënë në tokë, mbështjellë me një batanije.
Policia ka nisur hetimet për identifikimin e personit që e ka lënë foshnjën në këtë ambient, ndërsa po ashtu janë sekuestruar edhe kamerat e sigurisë në zonën përreth.
Nga raportimet mësohet se kqyrja e kamerave të sigurisë munde të zbulojë personin që ka braktisur foshnjen, ndërsa garazhdi ku u gjet e mbështjellë me batanije ka disa hyrje.
Dyshimet janë se foshnja mund të jetë sjellë nga një tjetër zonë..
Foshnja raportohet se është transportuar në një nga maternitetet e Tiranës, ku është vendosur në intubim, për shkak të gjendjes së rënduar.
Ndërkohë nga punonjësit e policisë janë mbledhur dëshmi nga banorë të zonës lidhur me ngjarjen.
Discussion about this post