Pak javë më parë mediat raportuan mbi një shtim të masave të sigurisë për kreun e SPAK, Altin Dumani.
Madje u tha se ai kishte marrë kërcënime për shkak të intensitetit të hetimeve për çështje sensitive dhe emra të rëndësishëm të jetës ekonomike dhe politike të vendit.
Por a ndjehet i kërcënuar kreu i SPAK dhe në ç’nivel?
Në një bashkëbisedim me gazetarët Dumani ka pohuar se nuk ka marrë kërcënime dhe se do të vijojë detyrën si prokuror i SPAK dhe drejtues i Prokurorisë Speciale.
Ai gjithashtu ka pohuar se lëviz me një mjet të blinduar, por që duket se nuk ka lidhje me kërcënime, të cilat ai i mohoi kategorikisht.
“Do të hetoj çdo person pavarësisht postit që mban”, ishte një nga deklaratat apo premtimet e Dumanit në takimin me gazetarët.
SPAK ka në hetim disa çështje sensitive ku përfshihen jo vetëm koncensionet e Qeverisë Rama, por edhe çështje që kanë lidhje me qeverinë e mëparshme, atë të ish-Kryeministrit Sali Berisha.
Gjithashtu një hetim, që duket se është hermetik është ai për inceneratorin e Tiranës, i vendosur në sekuestro preventive nga SPAK, por gjithçka mbetet sekret lidhur me hetimet.
Discussion about this post