Kreu i Grupit Parlamentar të PD-së Gazment Bardhi komentoi “non gratën” e Sali Berishës nga Britania duke thënë se është vendim politik, i shtetit që aplikon.
Në një intervistë për emisionin “Now” në Euroneës Albania , tha se e rëndësishme për opozitën në këto momente është që çështja personale të mos kalojë në interes të opozitës.
Sipas tij, interesi i opoziës është beteja me kreun e qeverisë Edi Rama.
“Non Grata” është një vendim politik, i shtetit që e aplikon. Britanikët kanë një procedurë që ti mund të ndjekësh një rrugë ankimimi dhe ne duhet të presim përfundimin e kësaj procedure.
E rëndësishme për opozitën në këtë moment është që një çështje që është personale të mos intereferojë në çështje që është interesi i opozitës.
Interesi i opozitës është beteja me Ramën. Çdo individ nëse ka një problematikë të caktuar që lidhet me të drejtat e ti, do duhet të ndjekë rrugët ashtu siç Berisha i ka ndjekur.
Nuk kam asnjë lumturi që Berisha është shpallur ‘non grata’ nga Britania dhe SHBA. Por kjo mua nuk më bën apo të pranoj që opozita të jetë në betejë me SHBA dhe me Britaninë e Madhe. Kanë qenë dhe duan të jenë partnerët tanë .
Fokusi jonë do të duhet të jetë te aferat dhe skandalet e qeverisë”, tha Bardhi.
Ndërsa analisti Lorenc Vangjeli tha se u shpreh se kanë qenë shërbimet britanike që kanë përgatitur dosjen ‘non grata’ të Sali Berishës në Tiranë.
“Kam pretendime që shërbimet britanike, punojnë me saktësinë e skanerave, rezonancave dhe dinë për ne dhe për qeverinë shumë më shumë se sa dimë ne.
Ajo dosje bazohet vetëm në këto gjëra dhe janë të përjashtuar këto segmente të tjera.
Nuk mundet që në një dosje që duket se e prodhon diplomacia të mos jetë përdorur ky burim i dorës së parë që quhet shërbime.
Burim, shkaku i shpalljes së Berishës “non grata’, nuk është vetëm dosja që kanë sjellë britanikët ka dhe diçka tjetër. Këto vendime janë akte politike”, tha ai.
Discussion about this post