Gazetari investigative Artan Hoxha, i cili ka publikuar të plotë video-skandalin në zyrën e kryebashkiakut të Kukësit, Safet Gjicit, u shpreh në emisionin Të Paekspozuarit se nuk besonte që video ishte publikuar nga gruaja apo ish-kryebashkiaku.
Hoxha tha se as Gjici dhe as Alma.K nuk kishte interes për të publikuar pamjet, ndërsa çështja po hetohet nga SPAK.
Gazetari tha se vendosi të publikojë sot këtë video të plotë, pasi çudia më e madhe 3 ditë zgjat, dhe me llogari i binte që sot askush nuk do të merrej më.
Hoxha tha se video e plotë tregon se ajo deklarata e dorëheqjes nuk është tërësisht e vërtetë, ku Gjici thoshte se kishte njohje prej kohësh me gruan që shfaqet në pamje.
Gazetari tha se video është realizuar në datën 6 qershor, ndërsa Gjici është betuar si kryebashkiak në datën 9 qershor.
“Nuk e di nëse nga data 9 deri në 16 kur u publikua video ka pasur firmosje letrash lidhur me tenderin e kastrimit të qenve”, tha Hoxha.
Discussion about this post