Policia greke po zbardh misterin në hetimet për vrasjen e tifozit të AEK-ut, Michalis Katsounis dhe në fokus është zbulimi i personit që goditi për vdekje të riun, shkruan mediumi grek Prototema.
Michalis u vra tragjikisht natën mes të hënës dhe të martës gjatë një konfrontimi me tifozët e Dinamo Zagreb, Bad Blue Boys.
Hetimeve po i shtohen pamjet e reja të video survejimit, deklaratat dhe provat e nata tragjike po fillon dalëngadalë të zbardhet.
Hetimi i deritanishëm ka çuar në pesë të dyshuar kryesorë, një kroat, një shqiptar dhe tre grekë.
Kroati dhe shqiptari në momentin e arrestimit kishin thika me gjurmë gjaku dhe u ndanë menjëherë nga të tjerët të arrestuar si të dyshuar për vrasje.
Shtetasit e dyshuar grekë janë tifozë aktivë të Panathinaikos dhe tashmë janë të njohur për policinë, duke qenë se kanë disa vepra penale.
Michalis u vra gjatë konfliktit me tifozët e shkaktuar nga Bad Blue Boys pranë stadiumit të AEK-ut.
Discussion about this post