Kush është A.H? Meta: Rama i premtoi se do bëhet kryetar i Sigurimeve të Shtetit

Kryetari i Partisë së Lirisë Ilir Meta i ftuar në emisionin “Opinion” deklaroi se Edi Rama i ka premtuar personit me inicialet A.H se do bëhet kryetar i Sigurimeve të Shtetit. Meta thekson se A.H është te Autoriteti i Dosjeve. Ai shton se historia e tij kur ka qenë student është e ditur tanimë.

Pjesë nga intervista:

Meta: A.H ishte një person që Rama i kishte premtuar se do behej kryetar i Sigurimeve të Shtetit. Por nëse nuk do bëhej kryetar i sigurimit të shteti, Rama i kishte premtuar se do e bënte kryetar të SHISH. Se kështu bën ky u premton të gjithëve. A.H është te autoriteti, e dinë të gjithë atje. Te autoriteti i Dosjeve është A.H.

Pyetje: A jeni thirrur nga Sigurimi? A jeni kontaktuar nga ndonjë person i SHISH?

Meta: Kam pasur një Ilir Meta në klasë, ai vinte te shtëpia ime, se kuptoj këtë pyetje, babai i tij ka qenë pjesë e SHISH. Unë s’kam pranuar as anëtar i Partisë së Punës, e gjithë kjo përpjekje për të hapur një diskurs të tillë, është trilluar ku shtohet një emër nga mbrapa personit për të krijuar historinë. S’ka nevojë për prova shkencore…

Ish deputetit të PS-së i kisha treguar në atë kohë historinë që ndodhi në klasë, nuk jam i përfshirë, sepse s’kam folur kurrë për arratisje, ç’punë kisha unë me ushtarin e Sarandës?

Nuk do e rekomandoja askujt këtë në atë kohë, jo më ta bëja vetë arratisjen.