Fida Osmani (Stojku) është gjyqtarja e cila ka marrë sot vendimin për pezullimin zgjedhjeve në FSHF. Ky vendim i marrë nga ajo është po aq skandal si çdo vendim tjetër i saj. në fakt Osmani njihet si “gjyqtarja e skandaleve”, e cila merrte vendime për çështje të rëndësishme gjyqësore pa qenë e pranishme fare në sallë, por duke udhëtuar me avion ose nga pishina, madje i bënte ato copy-paste. Por jo vetëm, kaq ajo njihet si një nga gjyqtaret e cila është denoncuar më së shumti për korrupsion dhe falsifikim dokumentesh, madje në kaq kohë sa zhvillohet vettingu Osmani ka skedën me më shumë skandale se çdo gjyqtar tjetër në vend, prandaj jo më kot mban pseudonimin “gjyqtarja e skandaleve”.
Si shpëtoi nga KLD
Ajo duhej të ishte shkarkuar me kohë, por si duket KLD dhe KPK e kanë me sy të mirë dhe e kanë favorizuar. Kujtojmë se në vitin 2012 ajo u thirr në KLD për të dhënë llogari mbi akuzuat që përmendëm më lartë, por pozicioni i bashkëshortit të saj e ndihmoi.
Sipas të dhënave, Kujtim Osmani ka qenë Sekretar i Përgjithshëm në Gjykatën Kushtetuese deri në vitin 2018 kur doli në pension dhe për këtë, inspektorati i KLD e kaloi këtë gjë duke bërë një “vesh shurdh e një sy qorr”. Pasi, edhe pse KLD- ka dokumentuar zhvillimin e gjyqeve nga gjyqtarja pa qenë prezent në sallën e gjyqit, duke ballafaquar të dhënat e sistemit TIMS ku ka udhëtuar jashtë vendit, me vendimet dhe procesverbalet e zhvillimit të seancave gjyqësore. Në përfundim u kërkua ndëshkimin e gjyqtares, por çuditërisht jo me shkarkim nga detyra. Justifikimi i gjyqtares ishte se burri i saj shkonte më përpara dhe kalonte pasaportën e vet dhe të saj në sistemin TIMS, që të mos vonoheshin. Në këtë mënyrë ajo implikoi dhe Kujtim Osmanin, të shoqin.
Po vettingu?
Nuk dihet ende se si KPK nuk ka thirrur për të kaluar nën sitën e vettingut Fida Osmanin, kur në fakt duhej ta kishte kaluar me kohë. Sipas të dhënave të publikuara ajo pritet të dalë para komisionit në qershor të këtij vitit. Bashkë me të janë dhe tre gjyqtare të tjera që duhet të dalin para KPK, dhe kjo do mund të ndodh vetëm kur të finalizohet projektligji për zgjatjen e vettingut.
Sakaq, duhet të përmendim se Prokuroria çuditërisht nuk u investua për të hetuar këtë çështje, ku doli në pah shpërdorimi i detyrës, falsifikimi i procesverbaleve të seancave gjyqësore etj. Shpresojmë që këtë herë do bëjë diçka KPK.
Discussion about this post