Familja e Anës, gruas shqiptare e cila pësoi një vdekje tragjike mbrëmjen e së premtes në Messolonghi, teksa po pastronte një mulli mishi, është zhytur në zi.
Mediat greke raportojnë se trupi i gruas shqiptare u dërgua në Patra për autopsi, ndërsa varrimi pritet të bëhet në ditët në vijim në Evinochori.
Sipas Protothema.gr, nëna e Anës është në shok.
“Në orën 9:00 e kanë marrë për të shkuar në punë dhe në orën 10:00 erdhi lajmi i kobshëm”, i tha ajo një personi të afërt.
Gruaja prej dy vitesh jetonte në Mesolongji me nënën dhe dy fëmijët, vajzën 18-vjeçare dhe djalin 10-vjeçar, pasi kishte ikur nga Shqipëria, pas ndarjes me bashkëshortin.
Sipas njerëzve që e njihnin, ajo punonte me të bijën nga mëngjesi deri në mbrëmje dhe pastronin dyqanet për të siguruar jetesën.
Aksidenti tragjik ka ndodhur mbrëmjen e së premtes, pak pas orës 21:00, kur gruaja dhe vajza e saj, e cila punonte në dyqane pastrimi, shkuan në kasap për të bërë punën e tyre.
Për një arsye ende të panjohur, gruaja po pastronte makinën, kur nga një gabim i janë kapur flokët, duke bërë që ajo të copëtohet. Operacioni për lirimin e saj u përfundua me shumë vështirësi, pak para mesnatës.
“Vajza e saj doli në rrugë dhe bërtiste ‘ndihmë’ , raportojnë personat që ndodheshin aty.
Një kalimtar ka hyrë në dyqan dhe ka zbuluar tmerrin që kishte ndodhur. Vajza më pas filloi të bërtiste, pa mundur të besonte se çfarë kishte ndodhur para syve të saj, dhe më pas thuhet se u dërgua në spital në gjendje shoku dhe më vonë u shkarkua. Ajo dhe vëllai i saj 10-vjeçar ndodhen që nga mëngjesi i djeshëm në shtëpinë e një të afërmi.
Discussion about this post