Ish-kryeministri Sali Berisha është përgjigjur lidhur me drejtimin e PD-së, pas bindjes së tij se Lulzim Basha tanimë pas Kuvendit të 11 dhjetorit është deputet i kësaj force politike. Ai është shprehur se PD drejtohet nga grupi që ai e cilëson si Komision Rithemelimi dhe me 29 anëtarët e grupit kolegjialt.
“PD sot e drejton Kuvendi Kombëtar që u mblodh në datën 11 dhe ky kuvend do e drejtojë deri në 22 mars. Autoriteti ka emëruar një grup kolegjial prej 29 vetash. Në seli Basha ndërron brava. Grupi kolegjial ka shkuar në seli ka bërë mbledhje.
Berisha është shprehur se nëse Basha do të kishte pranuar thirrjen e Kuvendit të përbashkët dhe votëbesimin në anëtarësi ose Kuvend, gjërat në PD s’do të kishin marrë këtë rrjedhë.
“Ai është i shkarkuar, është deputeti Basha, me votën e 4446 delegatëve. Nëse Lulzim Basha do të thoshte po do të thërrasim Kuvendin, ky proces nuk do të kishte shkuar këtu.
Edi Paloka i ka propozuar Lulzim Bashës nuk ke alternativë tjetër veçse të votëbesohesh në anëtarësi ose Kuvend. Ai ka thënë me Berishën kundër s’mund ta bëj kurrë atë”
Përballë Blendi Fevziut, Berisha e cilësoi nismën e tij të rithemelimit si një uragan që nuk mund të konsiderohet me atë që ai i referohet si “mister brava”.
“Që kur ke filluar në jetën tënde “Opinionin” sonte ke krahasuar më të pakrahasueshmen. Uraganin e lirisë që nisi në stuhi.Një revolucion me “mister bravën”. Krahason urganin me njeriun që vrapon hiq bravë ndërro bravë. Është bërë simbol qesharak, mjeran i bravës. Mos të krahasojmë të pakrahasueshmen”, shprehet ai.
Discussion about this post