Kreu i qeverisë Edi Rama, gjatë konferencës për gazetarët, u pyet në lidhje me hetimin e Erion Veliaj dhe a do ndjekë Rama rrugën që ka zgjedhur me figurat e tjera nga radha e PS duke i shkarkuar. Gjithashtu është pyetur në ka dijeni se kush është personi me emrin Nesti Angoni që ka kallëzuar Veliajn në SPAK.
“Nëse Prokuroria e Posaçme do ketë një masë në lidhje me Erion Veliajn, Ps do ndjekë të njëjtën traditë, do kërkojë shkarkimin e Erion Veliajt?
A keni një ide se kush mund të jetë Nesti Angoni i cili çoi një kallëzim në SPAK?“, ishin pyetjet drejtuar kryeministrit, teksa kreu i qeverisë ka zgjedhur të mos e komentojë këtë rast, madje ai i kërkoi gazetarëve “të mos e ngacmojnë”. Teksa më tej ka shtuar se si ai po ashtu dhe socialistët nuk do të japin asnjë koment lidhur me këtë person si dhe për hetimet, por do të presin të përfundojë procesi dhe të jetë drejtësia ajo që do të thotë fjalën e fundit.
“Mos më shtyni në ngasje të komentoj këtë. Nuk komentoj këtë rast. Se më nxite të qeshurën me atë që të të them unë se kush mund të jetë ky Nesti. Nuk komentoj. Ky rast është shumë specifik, për shumë arsye. Dhe deri tani nuk kam parë asnjë akuzë konkrete. Unë nuk dua të komentoj, edhe asnjë nga partia Socialsite nuk është i lejuar të bëjë asnjë koment. Do shikojmë procesin”, tha Rama.
Discussion about this post