GJKKO ka vendosur masën e arrestit me burg për Jamarbër Malltezin, dhëndrin e ish-Kryeministrit Sali Berisha, dhe ndërtuesin Fatmir Bektashi, administrator i kompanisë Kontakt.
Gjithashtu GJKKO ka vendosur masën “detyrim paraqitje” për ish-Kryeministrin Sali Berisha dhe i ndalon daljen jashtë vendit.
Të gjitha masat e sigurisë lidhen me hetimet që ka kryer SPAK për privatizimin e ish-kompleksit Partizani, por edhe ndërtimin e 17 kullave në truallin e privatizuar.
Nga raportimet mësohet se hetimet janë kryer nga prokurori Arben Kraja dhe prokurorja Enkeleda Millonai.
Ndaj Malltezit dhe Berishës janë ngritur akuzat e pastrimit të parave, fshehje ose deklarim i rremë i pasurisë, korupsion pasiv.
Raportohet se SPAK gjithashtu ka hetuar transaksione e kryera nga personat e hetuar, ndërsa GJKKO ka vendosur sekuestro preventive mbi pasuritë.
Discussion about this post