Personi në foto është Gasper Kokaj, pronari i medias ‘Tv Rozafa’ dhe pedagog. Kokajt iu dogj makina e tij tip ‘Land Rover’ e cila ishte parkuar në zonën e ‘Dollarit’ në Shkodër. Ngjarja ka ndodhur gjatë natës, pranë zonës ku ndodhet media në pronësi të Kokajt.
Autorët janë kapur në kamerat e sigurisë, duke i vënë flakën mjetit të pedagogut. Nuk dihen ende arsyet se përse këto persona kryen aktin e djegies, e nëse e gjithë kjo lidhet me të kaluarën e Kokajt. Ky i fundit është shprehur para grupit hetimor se nuk ka konflikt me njeri si dhe shtoi se nuk ka dyshime mbi persona të caktuar.
Kokaj ka qenë kandidat për deputet në vitin 2013 nën siglën e Partisë Republikane.
Discussion about this post