Nismës rajonale “Open Balkan” të iniciuar nga kryeministri Edi Rama, presidenti serb Alexander Vucic dhe kryeministri në detyrë i Maqedonisë së Veriut, Zoran Zaev, mund t’i bashkohet një tjetër shtet.
Kryeministrja e Serbisë, Ana Brnabiç, ka thënë se kryeministri i Malit të Zi, Zdravko Krivokapiç ka pranuar ftesën për të diskutuar rreth “Open Balkan”.
“Krivokapiç më ka dëgjuar me zemër të hapur dhe ka pranuar ftesën për darkë në të cilën do të marrë pjesë edhe kryeministri Edi Rama dhe zëvendëskryeministri i Maqedonisë së Veriut, Nikola Dimitrov, që do të vijnë sot në Beograd. Çfarë do të ndodhë më pas është vendim sovran i Malit të Zi”, tha Brnabiç.
“Open Balkan” ndryshe i njohur si Mini-Schengen, është një marrëveshje e vendeve të rajonit për mundësi më të mëdha në tregti, shkëmbime studentore dhe të inkurajojë integrimin në BE në shtetet anëtare. Qytetarëve të shteteve anëtare do t’ju duhet vetëm një kartë identiteti për të vizituar shtetet e tjera anëtare, duke kursyer kohë në pikat kufitare.
Discussion about this post