Një ditë më parë u zhvillua mbledhja e Asamblesë Kombëtare të PS-së. Nga raportimet, Kryeministri Edi Rama, njëherazi edhe Kryetar i PS-së, ka kritikuar kryebashkiakun Erion Veliaj, si drejtues politik të Qarkut të Tiranës, duke iu shprehur se ka kthyer strukturat si OJQ.
Ndërkohë një tjetër kritikë, Rama e ka rezervuar për deputetin socialist Etjen Xhafaj, i njohur si një prej mbështetësve të linjës Veliaj në rradhët e socialistëve.
Sipas raportimeve të Report TV, ministrja e Shëndetësisë Albana Koçiu kur ka marrë fjalën është shprehur se Kavaja nuk ka bërë asnjë analizë pas humbjes së zgjedhjeve të 14 majit, të cilat në raundin e parë u fituan nga kandidati i Rithemelimit, Fisnik Qosja.
Në këtë moment ka ndërhyrë kryetari i PS-së, Edi Rama dhe ka kërkuar llogari tek Etjen Xhafaj, i deleguari për qarkun e Tiranës në Kavajë.
“E vërtetë është? Çfarë ke bërë ti aty? Pse nuk ke bërë asnjë analizë?” ka thënë Rama.
Më pas Etjen Xhafa ka marrë fjalën duke u justifikuar:
“Ne kemi bërë një analizë por nuk është bërë përfundimtare për sakohë njerëzit presin të gjejnë cili ka qenë përgjegjësi ‘apo tradhtrari’ që na ka cuar në humbje.
Ne e kemi gjetur kush ka qenë ‘përgjegjësi’ apo ‘tradhtari’ por nuk mund ta themi në këto momente”, tha ai.
Discussion about this post