Ditën e sotme u mbajt Asambleja e PS, ku kryeministri Edi Rama prezantoi emrat e rinj të qeverisë Rama 3.
Ndër të tjera, ndryshime pati edhe në sekretariatin e Partisë, ku u larguan një sërë emrash të rëndësishëm, për t’ia lënë vendin prurjeve të reja në PS. Kështu, ish-ministri i Energjitikës, Damian Gjiknuri është ëmëruar sekretar i Përgjithshëm duke larguar Taulant Ballën.
Ish- ministri i Turizmit, Blendi Klosi u përzgjodh nga Rama për të qenë Sekretar Organizativ i PS duke larguar Arben Pëllumbin.
Etjen Xhafaj u zgjodh sekretar Digjital, pozicion që e mbante dikur Blerina Gjylameti.
Ish- ministrja e Financave, Anila Denaj u emërua sekretare e Burimeve Njerëzore, pozicion që dikur e mbante Lindita Nikolla, ndërsa në qeverinë Rama 3, ish- ministrja e Arsimit do të mbajë postin e kryetarës së Kuvendit.
Zv/ministrja e Brendshme, Romina Kuko do të jetë sekretare e Marrëdhënieve me Jashtë, pozicion që e mbante Teuta Vodo.
Ish- ministrja e Drejtësisë, Etilda Gjonaj do të mbajë pozicionin e sekretares së Gruas në PS.
Prurja më e re e PS, Bojkena Basha, u emërua Sekretare e Rininë, duke i zënë kështu vendin Gent Cakajt, dikur ish-ministër i Jashtëm.
Ndërsa Alfred Peza- Sekretar për Marrëdhëniet me Shoqërinë Cicile dhe Mediat; Ilir Beqaj- Sekretar për Koordinimin e Këshillave të Rajoneve; dhe Laert Dudaj- Sekretar për Emigracionin do të mbeten po të njëjtët.
