Një ngjarje e rëndë tronditi Greqinë ditën e sotme ku u godit me breshëri kallashnikovi 55-vjeçari Giannis Skaftourou duke gjetur vdekjen, i konsideruar si një prej bosëve të mafies në shtetin grek.
Dy persona të cilët lëviznin me motorrë, u ndalën përballë shtëpisë së tij dhe u futën në oborrin e banesës ku e ekzekutuan në sy të familjes së tij.
Kush ishte Giannis Skaftourou?
Giannis Skaftouras ishte një emër i njohur për drejtësinë greke pasi konsiderohet si një nga bosat e vjetër të mafies greke. Ai njihet si një indvid me vepra të rënda penale, i përfshirë në vrasje, rrëmbime, trafik armësh dhe droge. Skaftourou njihej me nofkën “xhaxha Xho”, emri i tij madje ka dalë dhe në procese gjyqësore të personave të tjerë të përfshirë në botën e krimit.
Giannis Skaftouros ishte “dora e djathtë” e Vassilis Stefanakos, një tjetër bos i mafies i cili u vra në vitin 2018. Ky i fundit është përfshirë në disa vrasje të kryera nga shqiptari Alket Rizai.
Sipas mediave greke, Skaftourou gjatë viteve të fundit lëvizte rrallë për shkak të kërcënimeve në drejtim të tij. 55-vjeçari ishte dënuar me burgim të përjetshëm për organizatë kriminale, por arriti të dalë në vitin 2019. Në vitin 2018, Skaftourou u godit me thikë në burgun e Kordhialos në Greqi.
Mediat greke raportojnë se ka qenë një anëtar i mafies shqiptare i cili e goditi me thikë në këmbë 55-vjeçarin.
Discussion about this post