Të tjera detaje janë zbardhur nga ngjarja e dy ditëve më parë, ku një automjeti në zonën e Astirit i ishte vënë një sasi tritoli.
Mediat raportojnë, referuar hetimeve që po kryen nga Policia e Tiranës, se një sasi e vogël lëndë shpërthyese dyshohet se i është vendosur makines së një qytetari të identifikuar si Elidon Mato.
Nga shpërthimi fatmirësisht ka pasur vetëm dëme të vogla materiale dhe mesa duke kjo ka shërbyer si një paralajmërim për biznesmenin nga Vlora.
Biznesmeni e kishte parkuar makinën pranë banesës ku jeton. Para hetuesve ka deklaruar se dyshimet i ka për shkak të një borxhi por pa dhënë emra konkret personash të dyshuar.
Nga të dhënat e para dyshohet se sasia e lëndës plasëse që i ishte vendos është nga 30 deri në 50 gram dhe mendohet se ka pasur qëllim mesazh për pronarin e makinës.
Policia ka nisur mbledhjen e pamjeve filmike të siguruara nga kamerat e sigurisë, të cilat kanë fiksuar një person të maskuar që i afrohet automjtetit, vendos lëndën plasëse dhe më pas largohet.
Discussion about this post