Aktorja Artemisa Kusi është personazhi më i ri në “Ferma VIP”. Ajo do i bashkohet fermerëve të tjerë, teksa më herët publiku e ka njohur në rolet e saj. Ndër rolet më të spikatura është ai në “Familja Kuqezi”.
“Zgjodha të bëj një sfidë me veten. Të shoh si do ia dalë. Është herët, por Mariana është ajo që simpatizoj më shumë”, thotë Artemisa Kusi.
Fermerët e pritën me humor teksa nuk mungoi një koment i Marianës.
Mariana: Pse erdhe?
Artemisa: Më thanë të futesha e u futa.
Mbrëmjen e së premtes, në formatin më të ri të ‘Ferma VIP’, u eliminua një konkurrent për herë të parë.
Ajo ishte Rigelsa e cila ishte në nominim kokë më kokë me Niko Komanin.
“Të them të drejtën këto ditë i përjetova 50/50. Në disa momente mendoja që mund të dal e në disa të tjera jo. E kisha atë dëshirën të vazhdoja sepse siç e kam thënë edhe nëpër klipe Rigelsa është shumë guximtare dhe ka shumë dëshirë të vendoset nëpër sfida”.- është shprehur Rigelsa.
E përveç një eliminimi, një banor i ri u bë gjithashtu pjesë e fermës.
Egzon Berisha është banori më i ri, hyrja e të cilit u shoqërua me humor në fermë.
Discussion about this post