Kush janë EMRAT e ‘botës së krimit’ të arrestuar nga SPAK

Pesë persona kanë rënë në prangat e policisë pasi GJKKO firmosi urdhër arrestet me kërkesë të SPAK.

Mes të arrestuarve është edhe Akil Nerjaku, i njohur si i përfshirë në bandën e Durrësit që i shpëtoi një atentati me snajper më 12 shtator 2022.

Emrat e tjerë të botës së krimit që janë arrestuar janë Plarent Dervishaj, Julian Mecaj, Bashkim Haxhija dhe Marsel Deçka.

Nerjaku u vu në pranga ditën e djeshme gjatë operacionit në banesën e Ramazan Rrajës. SPAK dje urdhëroi edhe shoqërimin e Rrajës, por gjatë kontrollit nuk u gjet në banesë. Urdhri i SPAK për arrestet vjen pas një procedimi panel të regjistruar më herët pas rrëfimit të një bashkëpunëtori të drejtësisë.

Nuk dihet për cilin bëhet fjalë, teksa tashmë Policia e Shtetit ka bërë të mundur ekzekutimin e të gjitha urdhër-arresteve në fjalë. SPAK akoma nuk ka bërë njoftim zyrtar dhe detaje për operacionin në fjalë. /Report Tv/