Gazetarja Klodiana Lala pohoi mbrëmjen e së martës se janë disa politikanë që po hetohen nga SPAK. Në emisionin “Krasta Show”, Lala tha se nën hetim janë ish-ministri Damian Gjiknuri dhe Ilir Beqaj.
Lala theksoi se në rastin e Beqajt, kreu i SPAK ka treguar se ka një mospërputhje qëndrimesh me prokurorët që po e hetojnë lidhur me sterilizimin, duke shtuar se ai ka firmosur edhe një udhëzim, që i bashkangjitet dosjes, por që nuk është i detyrueshëm për tu zbatuar.
“Kam informacione se SPAK po heton ish-ministrat Gjiknuri dhe Beqaj. Ky i fundit po hetohet edhe për pasurinë”, tha Lala.
Duke iu referuar deklaratave të kreut të SPAK në takimin me gazetarët, Lala tha se Dumani ka një shprehje që jo të gjithë prokurorët kanë si synim të përmbushin misionin e tyre.
Gjithashtu ajo pohoi se në rastin e skandalit McGonigal, nëse do të ketë një hetim nga SPAK, çështja mund të shkojë deri te Kryeministri Edi Rama.
Lala pohoi se Dumani lidhur me këtë çështje nuk u shpreh, kjo edhe për faktin se në SHBA duket se çështja po shkon drejt fundit të gjykimit.
Discussion about this post