Policia ka ekzekutuar 14 masa sigurie për personat e përfshirë në skemën e mashtrimit përmes call center, që i shkaktun dëm 4.7 mln euro shtetasve italianë.
Në pranga kanë rënë shtetasit Hamit Dobi, Erion Kastrati, Aldo Pasku, Gjin Shelnishta, dhe Mojsi Zuna.
Ndërkohë në “Arrest në shtëpi”, janë lënë 4 shtetaset Greta Gjoci, Olta Toci, Rezarta Ibrahimi dhe Silvana Veliu.
Gjithashtu janë shpallur në kërkim shtetasit B. Ç., O. C., B. GJ., A. M., dhe F. B, dy prej të cilëve janë larguar nga Shqipëria.
Mësohet se shtetasi me iniciale B. Ç., ka dalë jashtë territorit të Republikës së Shqipërisë më datë 23.07.2023 nga Pika e Kalimit Kufitar Kakavijë, ndërsa shtetasja A. M., më datë 27.10.2022, nga Pika e Kalimit Kufitar Rinas.
Gjatë kontrollit në 12 banesa janë sekuestruar pajisje të ndryshme kompjuterike si telefona, laptopë, USB dhe pajisje për prodhimin e Bitcoin, të cilat kanë kaluar për ekspertim kompjuterik në laboratorin pranë Sektorit të Ekzaminimeve Kompjuterike në Prokurorinë e Posaçme.
Discussion about this post