Aksionierja e studios “Tashko-Pustina” pasi hartoi marrëveshjen dhe pasi shkroi projektligjin që ja jep Butrintin fondacionit të ngritur për këtë qëllim, është emëruar në Bordin e Drejtorëve të Fondacionit. Bordi mund të jetë dhe emërim honorifik.
Por ai ka komptenca në emërimin e aparatit ekzekutiv që do të menaxhojë Parkun dhe ka vendimarrje edhe në aspektin financiar. Në planin e biznesit shkruajnë se bileta për të hyrë në Park do jetë nga 7 deri në 11 dollarë për vizitor, por Bordi ka tagër që ta indeksojeë atë sipas inflacionit. Pra ta rrisë deri në 30 për qind më shumë akoma. Para e madhe. Të kushton më lirë të hysh në muzeun e Uffizit në Firence.
Tani nëse unë bëj një ligj që kalimi në rrugën Tiranë-Durrës te bëhet me pagesë dhe të ardhurat të menaxhohen nga një Fondacion ku unë të jem drejtor, ma pranon qeveria këtë? Se këtë ka bërë në rastin e Butrintit.
Ka dhe disa pyetje të tjera?
1-A ka qenë studioja “Tashko dhe Pustina” studioja ligjore e inceneratorëve?
2- A ka dërguar studioja “Tashko dhe Pustina” shkresa zyrtare për ndërprerjen e kontratave tek kompanitë furnitore të inceneratorëve, në emër të këtyre të fundit?
3- Dhe më e rëndësishmja. A ka qenë kjo studio pjesë e negocimit në ndonjë nga kontratat e inceneratorëve?
Sigurisht që në Fondacion do të jetë Ministria e Kulturës dhe Fondi Shqiptaro Amerikan i Zhvillimit, por i takon qeverisë që të bëjë me shumë transparencë për pikëpyetjet e ngritura.
Discussion about this post