Ish-presidenti dhe ish-kryeministri i Shqipërisë, Sali Berisha, në një konferencë për shtyp njoftoi se do të padisë sekretarin amerikan të shtetit, Antony Blinken.
Kjo pas vendimit të Blinken-it, i cili të mërkurën e 19 majit e shpalli Berishën dhe familjen e tij persona non grata.
Që në fillim të konferencës, ai bëri me dije se “kam autorizuar avokatin tim që të ngrejë një padi direkte për sekretarin e shtetit, Anthony Blinken, për shpifje publike, në Gjykatën e Parisit”.
Po kush është Jean-Yves le Borgne?
Sipas mediave franceze, ai është një prej avokatëve më të njohur dhe më të shtrenjtë në Francë.
Zotëron një master në juridiksion dhe avokat që nga viti 1973, ai gjithashtu ka një diplomë bachelor-i në filozofi.
Mes avokatëve të brezit të tij, profili i tij mbetet ultraklasik.
Ai është anëtar i Këshillit të Avokatisë që nga viti 1992, ish-president i Shoqatës së Avokatëve Penalë dhe, që nga viti 2010, nënkryetar i Parisit.
Avokati i Berishës është protagonist i shumë çështjeve me profil të lartë.
Në vitet 1990, ai shquhet për mbrojtjen e suksesshme të Jean Chirac nga akuzat për korrupsion si kryetar i Bashkisë së Parisit.
Ish-ministri francez, Eric Woerth, u mbrojt nga Le Borgne.
Ai ishte pjesë e dosjes Bettencourt, e njohur si historia e financimeve të paligjshme në fushatën e vitit 2007 nga ana e Ghadafit për llogari të ish-presidentit Sarkozy.
Le Borgne ka qenë avokat mbrojtës i biznesmenëve të mëdhenj, si ish-bosi i Renault, sipërmarrësin Carlos Ghosn.
Por, një nga dosjet më të njohura të tij është ajo e kardinalit Barbarin, kreu i dioqezës së Lionit, i hetuar në vitin 2019 për pedofili.
Edhe pse u pyet dy herë nga gazetarët, Berisha nuk iu përgjigj pyetjes se sa do të kushtojnë shërbimet e këtij avokati?
