Në dhjetorin e 2015, një ngjarje e rëndë tronditi Deçanin, 24-vjecarja Donjeta Pajazitaj u zhduk pa lënë gjurmë. Familjaret e saj e kërkuan për javë të tëra pa rezultat, trupi i Donjetës u gjet pas 6 javësh kërkimesh në bjeshkët e fshatit Strellc të Deçanit. Trupi i Donjetës u gjend me dy plumba në kokë, dhe shenja dhune në trup.
Dyshohet se kushëriri i saj Naser Pajazitaj kishte ndërmarrë aktin ekstrem që i mori jetën në vitin 2015 Donjeta Pajazitajt. Naser Pajazitaj pas shumë gjyqesh u shpall shpallur fajtor u dënuar përjetë, në maj të 2022 me vendim të formës së prerë.
Megjithatë, Gjykata e Apelit pas shqyrtimit të ankesave të mbrojtjes ditën e djeshme, ka marrë vendim me të cilin e ka liruar nga burgu.
I ftuar në “Shqipëria LIVE”, vëllai i 24-vjeçares Shkëlqim Pajaziti deklaroi se gjykata nuk ka marrë parasysh shumë dëshmitarë për ngjarjen, që tregonin se Naseri ishte fajtor. Ai shtoi po ashtu se pas lirimit të tij, ata do duhet të pajtohen me të pasi jetojnë shumë pranë njëri-tjetrit.
“Unë vetë kam folur me bashkëshorten e autorit. Ajo ka hedhur poshtë të gjitha deklaratat e Naserit. Unë e kam pyetur a ka qenë Nesari aty ku pretendon, ajo ka thënë jo, ka hedhur poshtë të gjithë alibinë e tij. Kjo nuk është marrë si provë në gjyq.
Ne do ta çojmë çështjen në Gjykatën Kushtetuese. Nasri jeton shumë pranë nesh. Është shumë e vështirë por duhet të pajtohemi, s’kemi çfarë të bëjmë”- tha vëllai.
Discussion about this post