Ministrja e Arsimit, Evis Kushi, e cila u konfirmua në detyrë nga kryeministri Rama, komentoi dhe “ndarjen” e ministrisë me zv/ ministren Bora Muzhaqin.
Kushi u shpreh se Muzhaqi ka qenë gjithmonë e përkushtuar dhe ka besim se do të punojnë mirë, ndërsa shtoi se Rama “gjithmonë i ka mbështetur të rinjtë”.
“Kryeministri gjithmonë i ka mbështetur të rinjtë, përfshirjen e tyre në vendimmarrjen politike. Nuk është ndonjë suprizë, Bora ka qenë gjithmonë e përkushtuar dhe kam besim se do të punojmë mirë. Aq më tepër unë e njoh se e kam patur zv/ministre”, përfundoi Kushi.
Kryeministri Rama konfirmoi në krye të Ministrisë së Arsimit dhe Sporteve, Evis Kushin, ndërsa krijoi dhe një dikaster të ri atë për Rininë, ku vendosi Bora Muzhaqin ministre shteti për Rininë dhe Fëmijët.
