Ballkani ka dalë edhe me një shkrim lidhur me mungesën e informacionit se ku do ta zhvillojë ndeshjen kundër kampionëve të Bullgarisë, Ludogoretsit të Razgradit, më 11 korrik.
Kampionët e Kosovës, Ballkani është vendas në ndeshjen e vajtjes të raundit të parë kualifikues të Ligës së Kampionëve për edicionin 2023/2024.
Por te Ballkani kanë bërë të ditur se nuk kanë asnjë informacion nëse ndeshjen do ta luajnë në Prishtinë.
Në gjendjen që është fusha e stadiumit “Fadil Vokrri”, UEFA nuk lejon të zhvillohen ndeshjet.
“Ne si klub, kemi arritur të shkruajmë histori ndërkombëtare, duke u futur në mesin e skuadrave që luajnë në nivele të larta evropiane, kurse sot pa kaluar një vit i plotë, ne të njëjtit me të cilët u krenuan të gjithë, nuk kemi informacion se ku do ta zhvillojmë ndeshjen eliminatore të UEFA Champions League, ose mbase një pyetje tjetër, a do ta zhvillojmë fare?”, shkruan ndër të tjera në shkrimin e Ballkanit.
Madje, Ballkani e cilëson të turpshme situatën që është krijuar me fushën e stadiumit “Fadil Vokrri”.
https://www.facebook.com/fcballkani/posts/739616081504606?ref=embed_post
“Kosova ka nevojë për infrastrukturë, lojtarët tanë kanë nevojë për qetësi para këtyre dueleve të mëdha, jo stres e turp karshi homologëve të tyre nëpër skuadra evropiane. Po, është e turpshme kjo që po ndodh, për çdo keqardhje!”, thuhet në njoftim./Telegrafi
Discussion about this post