Gjykata Kushtetuese ka prishur vendimin për sekuestrimin e disa prej pasurive të ish-zv.kryeministrit, Arben Ahmetaj.
Kushtetuesja ka shfuqizuar vendimin për sekuestrimin e një apartamenti në rrugën “Kreshnik Çollaku”, një llogarie bankare dhe një depozite në një bankë të nivelit të dytë, duke e dërguar çështjen edhe njëherë për gjykim në Apelin e Posaçëm.
Më herët, Gjykata e Posaçme e Apelit dhe më pas Gjykata e Lartë kanë rrëzuar kërkesën e Ahmetajt, i cili kërkonte që të hiqej sekuestro për banesën në zonën e Shallvareve dhe 125 mijë euro në bankë.
Arben Ahmetaj ndodhet në kërkim ndërkombëtar që nga muaji korrik i vitit 2023, pasi akuzohet nga SPAK për disa vepra penale si: “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”.
Gjithashtu, ai është nën hetim edhe për të ashtuquajturën dosjen e ashtuquajtura “Buka”, ku është marrë i pandehur për veprën penale “Shpërdorim detyre”, duke u akuzuar nga SPAK se i ka shkaktuar një dëm shtetit prej 7 miliardë lekësh.
Arben Ahmetajt me herët i janë sekustruar 4 apartamente, si dhe dy llogari bankare të cilat arrijnë vlerën 124 300 (njëqind e njëzetë e katër mijë e treqind Euro), pasuri të cilën dyshohet se e ka përfituar nga korrupsioni.
Discussion about this post