Një politikan shqiptarë dhe 13 kompani që operojnë në Shqipëri janë pjesë e skandalit të “Pandora Papers” i zbuluar nga një rrjet gazetarësh investigativë i cili ka tronditur liderët botërorë. Dyshohet se mes 336 politikanëve është edhe një nga Shqipëria, por ende nuk dihet se cili është emri i personit që ka fshehur pasuritë në offshore duke investuar përmes parajsave fiskale. Në “skanerin” e investigimit janë të dhënat e 27 mijë kompanive, nga ku rezulton se 13 prej tyre janë në Shqipëri.
Konsorciumi ndërkombëtar i gazetarëve investigativë (ICIJ) dhe një grup prej 150 mediash zbuluan, se 336 zyrtarë publikë në të gjithë botën kanë lidhje me llogaritë offshore. Njerëzit e fuqishëm dhe me pushtet, por edhe personazhe publike të fushave të tjera, emra të njohur në të gjithë botën fshehin asete në kompani dhe truste të fshehta, ndërkohë që qeveritë e tyre bëjnë pak për të ndaluar qarkullimin global të parave ilegale.
Në listën e politikanëve që janë zbuluar deri më tani janë Vladimir Putin, Tony Blair, etj.
