Me 6 vota, 5 deputetët e PS-së dhe të Enkelejd Alibeajt, këshilli i Mandateve refuzoi kërkesën e avokatit mbrojtës të ish kryeministrit të pezullojë seancën për shqyrtimin e kërkesës së SPAK për dhënien e autorizimit për arrestimin e Sali Berishës, në hetim për aferën e kompleksit Partizani.
Nuk ka një vendim të Kushtetueses për të pezulluar këtë procedurë. Mund të ndodhë që e gjithë procedura e mëparshme e ndjekur nga SPAK mund të
Besoj se avokatët kanë të drejtën që mbas kësaj procedure të paraqesin kërkesë të re ose të bëjmë shtesë.
Kërkesa e tyre të mos pranohet”, tha Alibeaj gjatë mbledhjes.
Gjithashtu edhe kreu i Grupit të PS-së, Bledi Çuçi doli kundër kërkesës së avokatëve të Sali Berishës duke u shprehur se nuk ka bazë ligjore.
“Nuk ka asnjë bazë ligjore proceduriale, për të kërkuar pezullimin. Unë po e shoh kërkesën që keni bërë në Kushtetuese dhe nuk kërkoi pezullimin e procedurave parlamentare për dhënien e autorizimit.
Keni kërkuar vetëm pezullimin e masave shtrënguese, por jo të përdorurave parlamentare për dhënien e autorizimit.
Nuk ka arsye pse ta pezullojmë. Nga ana proceduriale do të duhet ta marrë një vendim”, tha kreu i Grupit të PS-së.
Ndërsa kryetarja e Kuvendit, Lindita Nikolla deklaroi se: “Vijojmë me procedurën, nëse do të kishim një vendim të Kushtetueses deri në 12 për pezullimin do e kishim bërë.”
Vetë ish-kryeministri nuk ndodhet në mbledhje por po proteston para kryesisë së Kuvendit me të bijën. Argita dhe një grup militantësh
Berisha refuzoi të shkojë duke deklaruar se nuk pranon të poshtërohet. Policia ka blinduar kryesinë, ndërsa forca policie ndodhen dhe afër godinës së kryeministrisë.
Në këshill ndodhen 5 deputetët e PS-së si edhe deputeti i Partisë Demokratike Enkelejd Alibeaj.
Discussion about this post