Ashtu si gjithë deputetët e opozitës, edhe kryetari i Partisë Demokratike, Sali Berisha, kërkoi që seanca për miratimin e ministrave dhe qeverisë së re të ribehet nga e para, që deputetët të kenë mundësi të mbajnë diskutimet e tyre.
Berisha tha se procesverbali i asaj seance të kaluar duhet të hidhet në kosh dhe se ajo seancë do të mbetet si më e turpshmja dhe e pashembullta në histori.
“Akti i vetëm që mund të bëjmë për atë procesverbal të asaj seance është ta hedhim në koshin e plehrave seancën dhe procesverbalin. Ai do të mbetet si procesverbali më i turpshëm në historinë e tij, dhe ky turp do të mbulojë ata që zhvilluan një seancë si ajo, pashembullt dhe e bënë vetëm e vetëm për të fshehur dhe maskuar 18 Erion Veliaj. Ti, Niko Peleshi, shënove rekordin më të zi në historinë e Parlamentit shqiptar, në historinë e Evropës dhe të njerëzimit. Prandaj, rikthe seancën nga fillimi. Ata që kanë frikë nga vetja e tyre, le t’ia mbathin, le të ikin, sepse kanë frikë të dalin para qytetarëve për mëkatet dhe vjedhjet që kanë bërë,” tha Berisha.
Discussion about this post