Kuvend, ndryshimet në Kodin Zgjedhor miratohen me 108 vota pro/ S’ka dakordësi për Avokatin e Popullit

Me 108 vota pro, janë miratuar në Parlament ndryshimet në Kodin Zgjedhor, duke marrë konsensusin e të gjitha palëve.

“107 vota pro elektronike, 1 votë pro me karton. 108 vota pro, 0 abstenim dhe 0 vota kundër. Hyn në fuqi ligji pas miratimit në Kuvend”, tha kryetarja e Kuvendit Elisa Spiropali.

Ndryshimet në Kod Zgjedhor përfshijnë një sërë “lehtësirash” për votën e diasporës, që nga pagesa e postës nga shteti e deri te afati për regjistrimin e partive dhe kandidatëve (12 Mars).

Nga rendi i ditës u hoq votimi për Avokatin e Popullit, pasi nuk pati dakordësi mes palëve politike.

Kreu i PD Sali Berisha kërkoi votat në Kuvend për Besim Ndregjonin, propozimi i opozitës për Avokat të Popullit. Kreu i grupit parlamentar të PS Niko Peleshi u shpreh se ka munguar procesi i konsultimit.

“Ne nuk kemi një qëndrim për Besim Ndregjoni dhe nuk kemi kundërshtime për asnjë emër”, tha Peleshi.

“Mos e hidhni në vote dhe e konsultojmë. Dhe biem dakord për përfaqësuesin e shquar të të përndjekurve politikë”, u shpreh Berisha.

Në fund palët ranë në dakordësi që të ta heqin nga rendi i ditës.