Një tjetër projekt-vendim do të futet në rendin e ditës sot në Kuvend.
Kreu i grupit parlamentar të PS, Taulant Balla ka propozuar që të shqyrtohet projekt-vendimi për krijimin e Komisionit me 12 anëtarë që do të përzgjedhë kandidatët për anëtarë zëvendësues për komisionerë në KPK dhe Komisioner Publik.
Sot pritet të shqyrtohen dhe disa projekt-ligje të tjera, një dekret presidenti si dhe 4 institucione do të raportojnë për veprimtarinë vjetore të 2020.
“Ju njoftojme se kryetari i grupit parlamentar të PS ka propozuar ndryshim të rendit të ditës. Propozohet shqyrtimi i projekt-vendimi për krijimin e përbërjen e Komisionit ad hoc të përzgjedhjes së kandidatëve për anëtarë zëvendësues për komisionerë të KPK dhe Komisioner Publik”, – tha Ruçi.
