Seanca e sotme plenare në Kuvend ka nisur me një dakordësi mes mazhorancës dhe opozitës. Taulant Balla në emër të grupit parlamentar të PS-së, pranoi kërkesën e Petrit Vasilit për të hequr nga rendi i ditës miratimin e Aktit Normativ për kompensimin e çmimit të materialeve të ndërtimit.
Petrit Vasili: “Rend dite akti normativ për kompensimin e disa tenderave publik, sot është e pamundur të shqyrtohet sot sepse në përputhje me rregulloren është fakt që me mbledhjen e Komisionit për çështjet sociale ky projektligj nuk u shqyrtua pasi përfaqësues të qeverisë e panë të pamundur të vinin për shkak të impenjimit në komisionet e tjera. Kjo është një shkelje pa përfunduar punë në komisione ju na e sillni projektligjin në Kuvend, ky akt duhet të shtyhet, nuk mund të privohet komisioni, është shumë e rëndë të vazhdoni përpara.
Taulant Balla: Akti normativ për kompensimin e disa tenderave publik. Dua të vë në dijeni kuvendin që përmes opozitës ka pasur pretendim për këtë çështje me atë që thotë Petriti dua që të shtyhet edhe me kërkesë të Alibeajt, por ka një element që është thelbësor shtyrja duhet të bëhet deri javës tjetër, java tjetër është përcaktuar që java e gjelbër por ky akt normativ do të hyjë në seancë në javën e ardhshme që i bie 30 qershor sepse data 2 korrik është afati i fundit për shqyrtimin në kuvend. Meqë kemi dakordësinë e dy grupeve parlamentare kjo çështje të shtyhet me këtë shënim që të zhvillohet seanca më 30 qershor.
Enkelejd Alibeaj: Fakti që ju e keni përfshirë në rendin e ditës pa u marrë vendimi një prej komisioneve, nuk duhet të përfshihet në rendin e ditës. Po kjo do të duhet të shtyhet, të gjithë komisionet duhet të japin mendimet e tyre. Histori sepse nuk ka ardhur një opinion e u dashka shtyre me një jave nuk qëndron, qeveria ka pasur detyrimin e vet. Është bërë praktikë që miratohen akti normative që u hiqe e drejta legjislative parlamentit. Pse qeveria e sjell me vonesë nuk është shkak që do të duhet të shtyhet siç propozon kreu i Grupit Parlamentar të PS. Nuk e përcaktoni ju. Do të duhet të shtyhet.
Discussion about this post