Dega e PD në Gjirokastër ka bërë publike emrat e delegatëve që kanë firmosur për Kuvendin e 11 dhjetorit të thirrur nga ish-kryeministri Sali Berisha. Sipas burimeve, janë 67 % e delegatëve që kanë firmosur.
Ka qenë nënkryetari PD për degën e Gjirokastrës, Dasho Aliko që ka bërë publikë emrat, ndërsa i bëri thirrje kreut aktual të PD, Lulzim Basha që t’i bashkohet Kuvendit të 11 dhjetorit për të mirën e PD.
Më herët, kanë qenë rreth 85 për qind e delegatëve të degës së PD-së në Paskuqan, ata të cilët kanë firmosur për Kuvendin e thirrur në 11 dhjetor. Këtë fakt e ka bërë të ditur Anton Petnikaj, kryetar i degës së PD-së në Paskuqan, i cili ka lexuar sot edhe emrat e firmëtarëve.
Nga ana tjetër, ish-kryeministri Berisha mban sot “Foltoren” e radhës me demokratët e Tropojës, të cilët i kanë rezervuar një pritje madhështore.
Discussion about this post