Deputeti i PD Belind Këlliçi ka treguar sot gjatë një interviste televizive se si do të bëhet verifikimi i firmave për të garantuar vlefshmërinë e vendimmarrjes. Këlliçi shpjegoi se kur pjesëmarrësit të futen në takim në një monitor të madh në stadium do të dalë numri i pjesëmarrësve dhe ne do të kuptojmë nëse kemi kuorumin i nevojshëm ose jo për të pasur vendimmarrje.
“Në tribunën kryesore do të jetë një vend vetëm për delegatët. Konfirmimi që do kenë delegatët është si asnjëherë më parë. Do kenë “badge” me emrin dhe funksionin, do kenë një “bar code” të skanur në mandatin e tyre. Kur pjesëmarrësit futen në takim në një tabelë, në një monitor të madh në stadium do të dalë numri i pjesëmarrësve dhe ne do të kuptojmë nëse kemi kuorumin dhe nëse e kemi, atëherë kuvendi është legjitim për të patur vendimmarrje”, tha Këlliçi.
Më tutje, ai tregoi se qëllimi kryesor i Kuvendit do të jetë ndryshimi i statutit të partisë duke përfshirë të gjitha elementet e përmendura nga Sali Berisha gjatë turit të foltoreve, ndërsa nuk përjashtoi mundësinë e shkarkimit të Lulzim Bashës. Sakaq ai tregoi se mbështet Sali Berishën për shkak se ky i fundit ka dhënë prova që di të bashkojë dhe të qëndrojë mbi fraksionet e partisë
Discussion about this post