Dega e Partisë Demokratike në Vlorë ka bërë publik ditën e sotme emrat që kanë firmosur për kuvendin e 11 dhjetorit, të thirrur nga ish-lideri Sali Berisha. Nga 285 delegatë që ka dega Vlorë në total, për kuvendin e 11 dhjetorit kanë firmosur 215 të tillë. Delegatët e PD-së në këtë degatë janë shprehur se do të jenë prezent ditën e nesërme në kuvendin e Berishës, pasi ky është i vetmi Kuvend legjitim për ta. Kryetari i Partisë demokratike Dega Vlorë, Genc Deromemaj u shpreh se sipas tij nuk do të ketë një Kuvend të dytë, pasi delegatët do të shkojnë vetëm në Kuvendin e 11 dhjetorit..Sipas Deromemaj , kreu aktual i PD-së Lulzim Basha do të shkarkohet dhe ky është një fakt tashmë.
Kuvendi Kombëtar i PD-së thirrur nga Sali Berisha pritet të zhvillohet ditën e nesërme, ndërsa ai i kreut aktual më 18 dhjetor. Gjithashtu pritet që gjatë ditës së sotme, degët e PD-së në Selenicë, Korçë, Devoll si dhe dega 8 e PD-së në Tiranë, do të lexojnë emrin e delegatëve që kanë firmosur kuvendin e Berishës për të bërë transparencën e delegatëve.
Discussion about this post