Kuvendi i 11 dhjetorit, publikohen emrat e delegatëve të degës 7

Pas degës 3 dhe 6, edhe dega numër 7 e Partisë Demokratike në Tiranë ka publikuar emrat e delegatëve që kanë firmosur për thirrjen e Kuvendit Kombëtar më 11 dhjetor nga Sali Berisha.

Në prani të mediave, emrat u lexuan nga sekretari i degës, Shpëtim Qordja që bëri publik emrat e delegatëve, për të treguar se ato kanë firmosur për Kuvendin e 11 dhjetorin dhe hedhur poshtë zërat e falsifikimit.

Lista është lexuar para zyrës së kryetarit të këshillit kombëtar të PD-së, Edi Paloka, aty ku dhe janë depozituar 4200 firmat që ish-kryeministri Sali Berisha ka mbledhur për Kuvendin e 11 dhjetorit.

Ky lexim i emrave erdhi pas akuzave të shumta nga përkrahës të kreut demokrat që firmat nuk janë mbledhur dhe kuvendi i vërtetë është ai i 18 dhjetorit i thirrur nga vetë ai.