Pak para nisjes së Kuvendit të Berishës, delegatë nga qarqe të ndryshme janë nisur drejt Tiranës për të marrë pjesë në takimin që do të mbahet në stadiumin “Air Albania”.
Mësohet se, nisja e delegatëve ka filluar prej mbrëmjes së djeshme por edhe herët mëngjesin e ditës së sotme. Delegatët e Fierit janë nisur që në orën 7:00 të mëngjesit të nisen drejt Tiranës për të marrë pjesë në takimin e Berishës.
Sipas Luan Baçi, ish-kryetar i kësaj dege në Fier, organizimi për shkuarjen drejt Tiranës është bërë me automjete private nga 3 apo 4 persona, për të shmangur kontrollet apo pengesat që mund të sjellë Policia nëse udhëtimi do të bëhej me autobusë.
Në qarkun Korçë, nga 628 delegatë kanë firmosur dhe do jenë pjesë e kuvendit kombëtar të PD-së 402 delegatë, pra afro 70 % e tyre, të cilët po ashtu janë nisur drejt Tiranës.
Edhe delegatët e Lezhës janë nisur, ndërsa njëri prej tyre u shpreh se po vjen ora e ndryshimit për PD. Ndërsa demokratët e Sarandës, kanë mbërritur që ditën e djeshme në Tiranë.
Discussion about this post