Pak para nisjes së Kuvendit të thirrur nga ish-kryeministri Sali Berisha, selia blu ka shpërndarë mesazhin e zyrtarit të lartë të DASH-it, Gabriel Escobar, i cili u shpreh se nëse PD zgjedh kryetar një person të shpallur “non grata”, referuar Sali Berishës, do të ketë pasoja.
“Partia Demokratike ka lindur si parti e fjalës së lirë, si parti e të drejtave të njëriut, si parti e tregut të lirë e mbi të gjitha si parti pro Amerikane. Partia Demokratike lindi si mburojë e interesave të shqiptarëve do të vazhdojë e tillë e jo pronë e as mburojë e interesave personale të askujt, as të z.Sali Berisha. Për këdo që u përball me gënjeshtra dhe manipulime të stilit komunist u them se në këtë ditë të shënuar të gjithë duhet të jemi të bashkuar, larg interesave personale, të tejkalojmë veten në të mirë të demokratëve dhe shqiptarëve”, njofton PD zyrtare.
Ky është reagimi i parë që vjen nga mbështetësit e kreut Lulzim Basha, teksa reagimi u nda nga deputeti Arbi Agalliu në rrjetin social Facebook.
Discussion about this post