Thuajse një orë nga nisja e Kuvendit Kombëtar të PD-së të thirrur nga Komisioni i Rithemelimit, Pallati i Kongreseve po përgatitet për të pritur qindra delegatë nga rrethet dhe jo vetëm.
Nga fotot që qarkullojnë në media shihet se hyrja e Pallatit të Kongreseve është mbuluar nga një banderolë ngjyrë blu, me logon e vjetër të PD-së si dhe Kuvendin Kombëtar.
Po kështu zbulohet dhe slogani i Kuvendit: “Më të bashkuar, më të fortë, më të hapur”. Në rrugicat në hyrje të Pallatit të Kongreseve janë vendosur në të dyja anët flamujt e SHBA-ve, BE-së, Shqipërisë si dhe Partisë Demokratike.
Megjithëse SHBA me përfaqësuesen e tyre në Shqipëri, ambasadoren Yuri Kim nuk njeh Komisionin e Rithemelimit si organin drejtues së PD, këta të fundit sërish janë siguruar që të “respektojnë” SHBA, ndonëse qëndrimi i tyre vështirë të ndryshojë.
Discussion about this post