Nënkryetari i Partisë Demokratike, Enkelejd Alibeaj, tha se Kuvendi Kombëtar i PD propozon krijimin e një strukture organizative e emërtuar si Aleanca Qytetare për Demokracinë.
Në fjalën e tij, Alibeaj tregoi synimin e kësaj aleance si dhe përbërjen e saj, ndërsa shtoi se PD garanton që kjo Aleancë të ketë një përfaqësim prej 10% në pozicione drejtuese në parti.
“Propozohet që në statutin e PD të shtohen dy dispozita, që i dedikohen krijimit të një strukture organizative, e emërtuar si Aleanca Qytetare për Demokracinë.
1. Partia ka edhe Aleancën Qytetare për Demokracinë.
2. Kjo organizatë partnere përbëhet nga intelektualë me reputacion profesionalë, që shfaqin interes dhe bashkëndajnë vlera dhe parimet e PD. Anëtarësimi në parti nuk është kusht.
3. Kjo aleancë synon të analizojë e të japë mendim kritikë me sugjerime konkrete ndaj politikave, qasjeve e nismave zyrtare të PD, duke e ndihmuar partinë të forcojë dialogun dhe lidhjen me shoqërinë.
4. PD garanton përfaqësimin e Aleancës Qytetare për Demokracinë me të paktën 10% të të zgjedhurve me pozicione drejtuese në parti”, tha Alibeaj.
Kjo është një nga pikat e Kuvendit Kombëtar, ku është theksuar se Aleanca do të përbëhet nga intelektualë dhe njerëz të spikatur në shoqëri, që shfaqin parimet e PD-së.
Discussion about this post