Pas Enklejd Alibeaj, ka qenë deputeti Gazment Bardhi që ka dhënë deklaratën e tij për zhvillimet në PD dhe Kuvendin e së shtunës. Për Bardhin, Kuvendi është një tubim për të përçarë PD, ndërsa vuri theksin te platforma e Alibeajt për daljen nga kriza.
Bardhi deklaroi i sigurt se 32 deputetë votuan për platformën e Alibeajt dhe sipas tij nuk ka pasur asnjë tërheqje, ndonëse disa prej deputetëve si Greta Bardeli apo Xhelal Mziu u shprehën se nuk e kanë firmosur platformën.
“Ka kohë që nuk ka një vendim për mbledhjen e Kuvendit, është një tubim, akt për përçarjen e PD-së. Ka një platformë të shumicës së grupit të PD-së, është një akt konkret për bashkimin e demokratëve, pjesa tjetër duan ta lënë përjetë në opozitë Partinë Demokratike. Qëndrimet nuk votohen, qëndrimet shprehen, çdo deputet që i ka vënë emrin e tij asaj platforme, natyrisht që kanë shprehur qëndrimin e tyre. Vendimet merren në institucionet e bashkisë. Nëse dikush do ti kthejë deputetët e PD-së në karagjozë, e ka gabim. Nuk ka pasur asnjë tërheqje, asnjë prej tyre nuk është tërhequr. E rëndësishme është që për ato 5 çështje, 32 deputetët kanë pasur atë mendim për të arritur bashkimin”, tha Bardhi.
Discussion about this post