Mijëra demokratë janë mbledhur në Pallatin e Kongreseve për Kuvendin Kombëtar të PD-së që është thirrur nga Lulzim Basha dhe kryesinë me qëllim bashkimin e demokratëve. Demokratët nga Lezha, Shkodra, Dibra dhe Tirana i janë bashkuar Kuvendit me banderola “Zgjedhim të ardhmen”, në shenjë mbështetje për kryedemokratin.
Te Pallati i Kongreseve, Bashës i janë bashkuar gjithashtu shumë anëtarë të kryesisë së PD-së, Grupit Parlamentar dhe Këshillit Kombëtar. Siç është paralajmëruar në mbledhjen e sotme të Kuvendit, pritet të miratohen disa ndryshime të rëndësishme statutore.
Gjatë mbledhjes së djeshme të kryesisë u vendos që personat e shpallur non-grata nuk do të kenë të drejtë të angazhohen në pozicionet qendrore të partisë, referuar këtu ish-kryeministrit Berisha. Gjithashtu, në Kuvend do të miratohet një program organizativ për të përgatitur strukturat e partisë për zgjedhjet e ardhshme.
Discussion about this post