Deputeti italian i Forza Italia, Alesandro Batilokio, ka përshëndetur Kuvendin Kombëtar të thirrur nga kreu demokrat Sali Berisha, ku pritet të votëbesohet për postin e kreut të PD-së.
“Kjo është hera ime e tridhjetë që vij në Shqipëri dhe jam gati–gati, një qytetar nderi i këtij vendi që e kam zbuluar që në vitin 1994, kur isha në qytetin e Vlorës.
Jam shumë i lumtur që ndodhem këtu midis jush për të sjellë përshëndetjet e të gjitha partive tona, që ndajnë bashkë vlerat e Partisë së madhe Popullore Demokratike, por mbi të gjitha dua t’i drejtoj përshëndetjen time, liderit, z. Sali Berisha.
Italia dhe Shqipëria janë dy vende simotra, të cilat ndajnë bashkë një zemër dhe në mes kanë vetëm detin Adriatik. Është diçka e shkruar në librat e historisë dhe të gjeografisë. Aktualiteti thotë që rreh 20% e shkëmbimeve tregtare ndodhin midis Italisë dhe Shqipërisë dhe Italia është vendi i parë pritës i produkteve shqiptare.
Kjo lidhje nuk përcaktohet vetëm nga arsyet ekonomike, por mbi të gjitha përcaktohet nga një eupati dhe nga një miqësi e fortë midis vendeve tona. Janë rreth 500 mijë shqiptarë që sot jetojnë dhe janë integruar në mënyrë perfekte dhe kemi shembullin e dy zotërinjve të nderuar këtu prezent, që janë absolutisht të integruar; rreth 13800 sipërmarrje shqiptare, që operojnë në Itali dhe që janë shembull suksesi.
Por ka dhe shembuj më të thjeshtë, po që janë po kaq të gëzueshëm dhe të admirueshëm, siç është një gjimnaz në Lezhë apo realitetet saleziane të cilat janë të vendosura në Shkodër, që përcaktojnë një lidhje të fortë dhe të bukur midis dy vendeve tona.
Rreth njëmijë studentë italianë studiojnë në Tiranën tonë të bukur, sepse nuk është vetëm e bukur, por mbi të gjitha është e sigurtë që afron shumë cilësi në studime”, tha ai.
Ish-Kryeministri Sali Berisha duke falenderuar deputetin italian, tha se ai është një mik i PD-së, i demokratëve, i shqiptarëve dhe Shqipërisë. Berisha ka vlerësuar bashkëpunimin mes PD dhe Forza Italia, duke kujtuar këtu themeluesin e kësaj partie, Silvio Berlusconin, për të cilin Berisha tha se është i pavdekshëm.
Discussion about this post