Në Pallatin e Kongreseve në Tiranë ka nisur punimet Kuvendi Kombëtar i PD-së së drejtuar nga Sali Berisha, i cili pritet të votëbesohet në pozicionin e kreut të kësaj partie.
Të pranishëm në punimet e Kuvendit, sipas Luçiano Boçit, janë 1203 delegatë nga 1622 në total, duke e konsideruar atë të ligjshme.
“Mbledhja është thirrur në bazë të vendimit të Kryesisë së PD dhe Kuvendi konsiderohet i thirru ligjërisht.
Numri i delegatëve është 1203 nga 1622 që është numri total i delegatëve të Kuvendit. Për shkak të pjesëmarrjes të më shumë se gjysmë, Kuvendi i Komisionit i drejtimit të punimeve të Kuvendit, deklaroj të hapura punimet e Kuvendit. Informoj delegatët se në këtë Kuvend to të paraqiten tre propozime të rëndësishme.
Propozimi i parë është për një ndryshim statutor që do të prezantohet nga Çlirim Gjata. Prezantimi i dytë është për miratim të një projekt rezolute nga nënkryetari i PD Oerd Bylykbashi që përmban qëndrimin politik të Kuvendit.
Dhe së treti, votëbesimi i kryetarit të Partisë, që do të zhvillohet më vonë dhe do të numërohet menjëherë pas procesit të përfundimit të votimit”, tha Boçi.
Discussion about this post